യു.കെ -യില്‍ ലോക്ക്ഡൗണ്‍ നീട്ടിവെയ്ക്കും

ലണ്ടന്‍: യു.കെ-യില്‍ കഴിഞ്ഞ 24 മണിക്കൂറിനിടെ കൊറോണ വൈറസ് ബാധിച്ച്‌ മരിച്ചവരുടെ എണ്ണത്തില്‍ കുതിച്ചു കയറ്റം. ഇന്ന് മാത്രം മരിച്ചത് 938 പേരാണ്. ഇതോടെ യു.കെ-യില്‍ കോവിഡ് 19 മൂലം മരിച്ചവരുടെ എണ്ണം 7,097 ആയി. യു.കെ-യില്‍ ഇതുവരെ രോഗം സ്ഥിരീകരിക്കപ്പെട്ടവരുടെ എണ്ണം ആകെ 60,733 ആയി. എന്നാല്‍ ലോക്ക്ഡൗണ്‍ നടപടികള്‍ മുഖേന ഉദ്ദേശിച്ച ഗുണഫലങ്ങള്‍ അറിയണമെങ്കില്‍ രണ്ടാഴ്ച കൂടി എടുക്കുമെന്നാണ് വിലയിരുത്തുന്നത്. പ്രതിരോധ നടപടികളിലെ ശക്തമായ ഇടപെടലുകള്‍ നല്‍കുന്നതിന്റെ ഫലങ്ങള്‍ അടുത്തയാഴ്ച കാണുവാന്‍ സാധിക്കുമെന്നാണ് വിലയിരുത്തല്‍.