നടപ്പ് സാമ്ബത്തിക വര്‍ഷം ഇന്ത്യയുടെ വളര്‍ച്ചാ നിരക്ക് പൂജ്യമാകുമെന്ന് അന്താരാഷ്ട്ര റേറ്റിം​ഗ് ഏജന്‍സിയായ മൂഡീസ്

മുംബൈ: മൂഡീസ് ഇന്‍‌വെസ്റ്റേഴ്സ് സര്‍വീസ് ഇന്ത്യയുടെ വളര്‍ച്ചാ പ്രവചനം നടപ്പ് സാമ്ബത്തിക വര്‍ഷം പൂജ്യം ശതമാനമായി പരിഷ്കരിച്ചു. ധനപരമായ അളവുകള്‍ ഭൗതികമായി ദുര്‍ബലമായാല്‍ രാജ്യത്തിന്റെ നിരക്കിനെ ഇനിയും താഴ്ത്തേണ്ടി വന്നേക്കുമെന്ന് ഏജന്‍സി മുന്നറിയിപ്പ് നല്‍കുന്നു. ഫിച്ച്‌ റേറ്റിം​ഗ്സും സമാനമായ മുന്നറിയിപ്പ് നല്‍കിയിരുന്നു.
"സാമ്ബത്തികവും സ്ഥാപനപരവുമായ പരിഷ്കാരങ്ങളിലൂടെ ശക്തമായി ഉല്‍‌പാദനം പുന സ്ഥാപിക്കാന്‍ സര്‍ക്കാരിന് കഴിയുമെന്ന പരിമിതമായ പ്രതീക്ഷകള്‍ മാത്രമുള്ള വളര്‍ച്ച മാന്ദ്യത്തിന്റെ പശ്ചാത്തലത്തിലാണ് ഇത് സംഭവിക്കുക," റേറ്റിംഗ് ഏജന്‍സി അതിന്റെ ഏറ്റവും പുതിയ റിപ്പോര്‍ട്ടില്‍ പറഞ്ഞു.നവംബറില്‍, മൂഡീസ് ഇന്ത്യയുടെ പരമാധികാര റേറ്റിംഗിനെക്കുറിച്ചുള്ള കാഴ്ചപ്പാട് സ്ഥിരതയില്‍ നിന്ന് നെഗറ്റീവ് ആയി പരിഷ്കരിച്ചിരുന്നു. രണ്ടാമത്തെ ഏറ്റവും കുറഞ്ഞ നിക്ഷേപ ഗ്രേഡ് സ്കോറായ Baa2 ആണ് മൂഡീസ് ഇന്ത്യയ്ക്ക് നല്‍കുന്നത്. കൊവിഡ് -19 മൂലമുളള ധനകാര്യ പ്രതിസന്ധികളാണ് ഇന്ത്യയുടെ റേറ്റിം​ഗ് കുറയാനിടയാക്കിയത്.മറ്റ് ഏജന്‍സികളായ എസ്‌ ആന്‍ഡ് പി , ഫിച്ച്‌ എന്നിവയേക്കാള്‍ മികച്ച ​ഗ്രേഡാണ് മൂഡീസ് ഇന്ത്യയ്ക്ക് നല്‍കുന്നത്. എസ്‌ ആന്‍ഡ് പി , ഫിച്ച്‌ എന്നിവര്‍ സ്ഥിരമായ കാഴ്ചപ്പാടോടെ ഇന്ത്യയ്ക്ക് ഏറ്റവും കുറഞ്ഞ നിക്ഷേപ ഗ്രേഡാണ് നല്‍കിയിരിക്കുന്നത്.