നക്ഷത്രങ്ങള്‍ക്കു കീഴെ ടെന്റുകളില്‍ സിനിമ കാണാം; കോവിഡ് കാലത്ത് ഇന്തോനേഷ്യയിലെ സിനിമാ കാഴ്ച്ചകള്‍ ഇങ്ങനെ

കോവിഡ് കാലത്ത് സിനിമാ ആസ്വാദനം എങ്ങനെയായിരിക്കണം? അതിന് സ്വപ്ന തുല്യമായ ഒരു ഉദാഹാരണമുണ്ട് അങ്ങ് ഇന്തോനേഷ്യയില്‍. ക്യാമ്ബ് സ്റ്റൈലില്‍ സാമൂഹിക അകലം പാലിച്ച്‌ വൈകുന്നേരങ്ങളില്‍ നക്ഷത്രങ്ങള്‍ക്കു കീഴെ ഇരുന്ന് സിനിമ കാണാം.

'സിനിമ അണ്ടര്‍ ദി സ്റ്റാര്‍സ്' എന്നാണ് പുതിയ രീതിക്ക് പേരിട്ടിരിക്കുന്നത്. രണ്ട് മാസം മുമ്ബാണ് ഇന്തോനേഷ്യയിലെ പ്രധാന നഗരമായ വെസ്റ്റ് ജാവ പ്രവിശ്യയിലെ ബാന്‍ഡങ്ങില്‍ ഒരുക്കിയിരിക്കുന്നത്. കോവിഡ് കാലത്ത് സാമൂഹിക അകലം പാലിച്ച്‌ ആളുകളെ ഒന്നിച്ചിരുത്തി സിനിമ കാണിക്കുക എന്ന ആശയത്തില്‍ നിന്നാണ് നക്ഷത്രങ്ങള്‍ക്ക് കീഴെയുള്ള സിനിമ എന്ന ആശയം രൂപപ്പെട്ടത്. പുതിയ സംരഭത്തിന് മികച്ച പ്രതികരണമാണ് ജനങ്ങളില്‍ നിന്നും ലഭിച്ചു കൊണ്ടിരിക്കുന്നത്. യുവാക്കള്‍ക്കിടയിലാണ് പുതിയ ആശയം ഏറ്റവും വേഗത്തില്‍ പ്രചാരത്തിലായത്.

"സാധാരണ സിനിമകള്‍ വീടുകള്‍ക്കുള്ളിലാണ് കാണുന്നത്. എന്നാല്‍ ഇപ്പോള്‍ ബാന്‍ഡങ്ങില്‍ തുറന്ന സ്ഥലത്ത് സിനിമ കാണാനുള്ള സൗകര്യം വന്നിരിക്കുന്നു. ഏറെ സന്തോഷമുള്ള കാര്യമെന്തെന്നാല്‍ ടെന്റുകളില്‍ ഇരുന്നാണ് സിനിമ കാണുന്നത്. ഞാനും ഇത് ആസ്വദിക്കാന്‍ ഒരുങ്ങുകയാണ്". ഇരുപതുകാരിയായ ലിഡിയ ഉട്ടാരിയുടെ വാക്കുകള്‍.