ഗവേഷണ പഠനം : അപേക്ഷ ക്ഷണിച്ചു

കേരള വനിതാ കമ്മിഷന്‍ വിവിധ വിഷയങ്ങളില്‍ ഗവേഷണ പഠനത്തിന് അപേക്ഷ ക്ഷണിച്ചു. വൈവാഹിക പ്രശ്‌നങ്ങളുടെ മനഃശാസ്ത്ര വിശകലനം, ലൈംഗികക്കടത്തിലകപ്പെട്ട പെണ്‍ ഇരകള്‍, കോവിഡ് 19 പകര്‍ച്ചവ്യാധിവേളയില്‍ സ്ത്രീകള്‍ അഭിമുഖീകരിച്ച പ്രശ്‌നങ്ങള്‍ എന്നിവയാണ് വിഷയങ്ങള്‍. ഗവേഷണ പഠനം നടത്തി മുന്‍പരിചയമുള്ള വ്യക്തികള്‍/സ്ഥാപനങ്ങള്‍ എന്നിവര്‍ക്ക് മേജര്‍/മൈനര്‍ ഗവേഷണ പഠനങ്ങള്‍ക്ക് അപേക്ഷിക്കാം. മേജര്‍ പഠനത്തിന് രണ്ട് ലക്ഷം രൂപയും മൈനര്‍ പഠനത്തിന് ഒരു ലക്ഷം രൂപയുമാണ് അനുവദിച്ചിട്ടുള്ള തുക. സാമൂഹ്യശാസ്ത്രവിഷയങ്ങളില്‍ ബിരുദാനനന്തരബിരുദമാണ് അപേക്ഷിക്കാനുള്ള യോഗ്യത. അപേക്ഷ തയാറാക്കേണ്ട രീതി, നിബന്ധനകള്‍ തുടങ്ങി കൂടുതല്‍ വിവരങ്ങള്‍ വനിതാ കമ്മിഷന്റെ ഔദ്യോഗിക വെബ്‌സൈറ്റായ www.keralawomenscommission. gov.in ല്‍ ലഭിക്കും. വെബ്‌സൈറ്റില്‍ നല്‍കിയിരിക്കുന്ന മാര്‍ഗനിര്‍ദേശങ്ങള്‍ പ്രകാരം തയാറാക്കിയിട്ടുള്ള അപേക്ഷകള്‍ മാത്രമേ പരിഗണിക്കൂ. അപേക്ഷ ലഭിക്കേണ്ട അവസാന തിയതി: ഡിസംബര്‍ 24