ഇവരുടെ ഐപിഎല്‍ ഹണിമൂണ്‍ തീര്‍ന്നു... പാതിവഴിയില്‍ മടക്കം, ഇനി ടീമിന്റെ ഭാവി?

മുംബൈ: ഐപിഎല്ലിന്റെ 12ാം സീസണിലെ പോരാട്ടങ്ങള്‍ ആവേശകരായ അവസാന റൗണ്ടിലേക്കു കടന്നിരിക്കുകയാണ്. പ്ലേഓഫില്‍ ഏതൊക്കെ ടീമുകളായിരിക്കും ഉണ്ടാവുകയെന്ന് ഇനിയുള്ള മല്‍സരങ്ങളാണ് തീരുമാനിക്കുക. നിലവിലെ ചാംപ്യന്‍മാരായ ചെന്നൈ സൂപ്പര്‍കിങ്‌സ്, മുന്‍ വിജയികളായ മുംബൈ ഇന്ത്യന്‍സ്, ഡല്‍ഹി ക്യാപ്പിറ്റല്‍സ് എന്നിവരാണ് ഇപ്പോള്‍ പ്ലേഓഫിന് അരികിലെത്തിയിട്ടുള്ളത്. ശേഷിച്ച അഞ്ചു ടീമുകള്‍ തമ്മിലാവും പ്ലേഓഫ് ബെര്‍ത്തിനു വേണ്ടി പ്രധാന അങ്കം. നിര്‍ണായക മല്‍സരങ്ങള്‍ നടക്കാനിരിക്കെ പല ടീമുകളിലെയും വിദേശ താരങ്ങള്‍ ഐപിഎല്‍ വിടാനൊരുങ്ങുകയാണ്. മേയ് അവസാനത്തോടെ നടക്കാനിരിക്കുന്ന ഏകദിന ലോകകപ്പിനുള്ള തയ്യാറെടുപ്പിന്റെ ഭാഗമായാണ് ഇത്. മൂന്നു ടീമുകള്‍ അനുമതി നല്‍കിന്യൂസിലാന്‍ഡ്, വെസ്റ്റ് ഇന്‍ഡീസ്, അഫ്ഗാനിസ്താന്‍ ടീമുകള്‍ തങ്ങളുടെ താരങ്ങള ഐപിഎല്ലില്‍ സീസണിലെ മുഴുവന്‍ മല്‍സരങ്ങളിലും കളിക്കാന്‍ അനുവാദം നല്‍കിയിട്ടുണ്ട്. എന്നാല്‍ ഓസ്‌ട്രേലിയ, ഇംഗ്ലണ്ട്, ദക്ഷിണാഫ്രിക്ക ടീമുകളാണ് തങ്ങളുടെ താരങ്ങളോട് ലോകകപ്പ് ഒരുക്കത്തിനായി തിരിച്ചെത്താന്‍ നിര്‍ദേശിച്ചിരിക്കുന്നത്.
ഇംഗ്ലീഷ് താരങ്ങള്‍ ഇതിനകം ഐപിഎല്‍ വിട്ടു കഴിഞ്ഞു. ഓസീസ് താരങ്ങളോട് മേയ് രണ്ടിനുള്ളില്‍ തിരിച്ചെത്താനാണ് ആവശ്യപ്പെട്ടിരിക്കുന്നത്. ദക്ഷിണാഫ്രിക്കയാവട്ടെ ഐപിഎല്ലിലെ പ്ലേഓഫിനു മുമ്ബ് തിരിച്ചത്തണമെന്ന നിബന്ധനയാണ് വച്ചത്.