ലണ്ടൻ: നേരത്തെ പ്രഖ്യാപിച്ചിരുന്ന പ്രാഥമിക ടീമിൽ നിന്ന് മൂന്ന് മാറ്റവുമായി ലോകകപ്പിനുള്ള ഇംഗ്ലണ്ട് ക്രിക്ക് ടീമിൻെറ അന്തിമ ഇലവനെ പ്രഖ്യാപിച്ചു. ഇയാൻ മോർഗൻെറ നേതൃത്വത്തിലുള്ള ടീം ഇത്തവണ ലോകകപ്പിൻെറ ഫേവറിറ്റ്സ് ആണ്. ഐപിഎല്ലിൽ മികച്ച പ്രകടനം കാഴ്ചവെച്ച ജോഫ്ര ആർച്ചർ അന്തിമ ഇലവനിൽ ഇടം പിടിച്ചു.

നേരത്ത പ്രഖ്യാപിച്ചിരുന്ന പതിനഞ്ചംഗ ടീമിൽ ആർച്ചർ ഉണ്ടായിരുന്നില്ല. ലിയാം ഡോസൺ, ജെയിംസ് വിൻസ് എന്നിവരാണ് ടീമിലെത്തിയ മറ്റ് താരങ്ങൾ. ജോ ഡെൻലി, ഡേവിഡ് വില്ലി, അലക്സ് ഹെയിൽസ് എന്നിവരെ ഒഴിവാക്കി. മയക്കുമരുന്ന് ഉപയോഗത്തിന് പിടിക്കപ്പെട്ട് വിലക്ക് നേരിടുന്നതിനാലാണ് ഹെയിൽസിനെ ഒഴിവാക്കിയത്.

ടീം ഇവരിൽ നിന്ന്: ഇയാൻ മോർഗൻ (ക്യാ), മോയിൻ അലി, ജോഫ്ര ആർച്ചർ, ജോണി ബെയർസ്റ്റോ, ജോസ് ബട്ട്ലർ, ടോം കറൻ, ലിയാം ഡോസൻ, ലിയാം പ്ലങ്കറ്റ്, ആദിൽ റാഷിദ്, ജോ റൂട്ട്, ജേസൻ റോയ്, ബെൻ സ്റ്റോക്സ്, ജെയിംസ് വിൻസ്, ക്രിസ് വോക്സ്, മാർക് വുഡ്.