ഓറിയോ ന്യുട്ടെല്ല ട്രഫ്ള്‍സ് തയ്യാറാക്കാം

ചേരുവകള്‍: 1. ഓറിയോ കുക്കീസ് - 24 എണ്ണം 2. ന്യുട്ടെല്ല - മുക്കാല്‍ - ഒരു കപ്പ് 3. ഡാര്‍ക്ക് ചോക്ലേറ്റ് ഉരുക്കിയത് - 1 കപ്പ് 4. വൈറ്റ് ചോക്ലേറ്റ് ഉരുക്കിയത് - 1 കപ്പ് തയ്യാറാക്കുന്ന വിധം: ഒരു സിപ്പ്‌ലോക്ക് കവറിലോ മിക്‌സിയിലോ ഇട്ട് ഓറിയോ കുക്കീസ് പൊടിച്ചെടുക്കുക. ഇതിലേക്ക് ന്യുട്ടെല്ല ചേര്‍ത്ത് നന്നായി യോജിപ്പിക്കുക. ശേഷം, ഓരോ ടേബിള്‍സ്പൂണ്‍ വീതം ഈ കൂട്ടെടുത്ത് ഉരുളകളാക്കുക. ഇത് ഫ്രീസറില്‍ 15 മിനിറ്റ് വയ്ക്കുക. നന്നായി തണുത്തശേഷം ഓരോ ഉരുളകളും ഉരുക്കിയ ചോക്ലേറ്റില്‍ മുക്കി ഒരു വാക്‌സ് പേപ്പറില്‍ നിരത്തുക. ഇഷ്ടമുള്ള രീതിയില്‍ ഗാര്‍ണിഷ് ചെയ്ത ശേഷം വീണ്ടും ഫ്രിഡ്ജില്‍ വച്ച്‌ സെറ്റ് ചെയ്ത് സെര്‍വ് ചെയ്യാം.