ദുബായിലെ പോലീസ് സ്‌റ്റേഷനുകളില്‍ ഇനിമുതല്‍ 'വെര്‍ച്വല്‍ കോടതികള്‍'

ദുബായ്: ദുബായിലെ രണ്ട് പോലീസ് സ്‌റ്റേഷനുകളില്‍ വെര്‍ച്വല്‍ കോടതികള്‍ സ്ഥാപിച്ചു. കേസുകള്‍ എളുപ്പത്തില്‍ തീര്‍പ്പാക്കാന്‍ അല്‍ ബര്‍ഷ, ബര്‍ ദുബായ് സ്റ്റേഷനുകളിലാണ് വീഡിയോ കോണ്‍ഫറന്‍സിങ് സവിശേഷതകളുള്ള വിദൂര ട്രയല്‍ റൂമുകള്‍ സ്ഥാപിച്ചിരിക്കുന്നത്. പബ്ലിക് പ്രോസിക്യൂഷന്‍, ദുബായ് കോടതി എന്നിവയുമായി സഹകരിച്ചാണ് ദുബായ് പോലീസ് സ്‌റ്റേഷന്‍ കൗണ്‍സില്‍ ആരംഭിച്ചരിക്കുന്നത്. എല്ലാ ജുഡീഷ്യല്‍ സേവനങ്ങളും മെച്ചപ്പെടുത്തി നടപടികള്‍ വേഗത്തിലാക്കുക എന്ന ലക്ഷ്യമാണ് ഇതുവഴി ഉദ്ദേശിക്കുന്നതെന്ന് ദുബായ് പോലീസ് കമാന്‍ഡര്‍ ഇന്‍ ചീഫ് മേജര്‍ ജനറല്‍ അബ്ദുല്ല ഖലീഫ അല്‍ മാരി വ്യക്തമാക്കി.