പ്ലാസ്മ തെറാപ്പി നിരോധിച്ച്‌ അമേരിക്ക

വാഷിംഗ്ടണ്‍: അമേരിക്കയില്‍ കൊവിഡ്​ ചികിത്സയ്ക്ക്​​ പ്ലാസ്​മ തെറാപ്പി ഉപയോഗിക്കുന്നത്​ നിറുത്തിവച്ചു. ഇതുമായി ബന്ധപ്പെട്ട്​ നടത്തിയ പഠനങ്ങളില്‍ ചികിത്സ ഫലപ്രദമെന്ന്​ തെളിയിക്കാനായില്ലെന്ന്​ ചൂണ്ടിക്കാട്ടിയാണ്​ യു.എസ്​ ഫുഡ്​ ആന്‍ഡ്​ ഡ്രഗ്​ അഡ്​മിനിസ്​ട്രേഷന്റെ ഉത്തരവ്​. ഇന്ത്യയില്‍ പ്ലാസ്​മ തെറാപ്പി വ്യാപകമായി ഉപയോഗിക്കുന്നുണ്ട്. ഇന്ത്യന്‍ ജേണല്‍ ഒഫ്​ മെഡിക്കല്‍ എത്തിക്​സ്​ എഡിറ്റര്‍ അമര്‍ ജെസ്​നിയും പ്ലാസ്​മ തെറാപ്പിക്ക്​ ശാസ്​ത്രീയാടിത്തറയില്ലെന്നാണ്​ അഭിപ്രായപ്പെടുന്നത്​. ഇതുമായി ബന്ധപ്പെട്ട്​ ഐ.സി.എം.ആര്‍ പഠനം നടത്തിയിട്ടുണ്ടെങ്കിലും ഫലം പുറത്ത്​ വിട്ടിട്ടില്ല. പ്ലാസ്​മ തെറാപ്പിയുമായി ബന്ധപ്പെട്ട പഠനഫലം ഉടന്‍ ഐ.സി.എം.ആര്‍ പുറത്ത്​ വിടണമെന്ന് ആവശ്യമുയര്‍ന്നിട്ടുണ്ട്. ഗുരുതരാവസ്ഥയിലുള്ള കൊവിഡ്​ രോഗികളുടെ ചികിത്സയ്ക്കാണ്​ ​പ്ലാസ്​മ തെറാപ്പി ഉപയോഗിക്കുന്നത്​.