കൊവിഡ് ഗുരുതരമാകുന്ന അവസ്ഥയാണ് ഓക്‌സിജന്‍ കുറയുന്നത്. ഹൈപ്പോക്‌സിയ എന്നാണ് ഇത് അറിയപ്പെടുന്നത് 94ല്‍ കുറഞ്ഞാല്‍ തന്നെ അല്‍പം അപകടമാണ്. ഇത് കുറഞ്ഞാല്‍ ശരീരത്തിലെ മൊത്തം അവയവങ്ങളെ ബാധിയ്ക്കും.ഓക്‌സിജന്‍ കുറഞ്ഞാല്‍ തലവേദന, ചിന്താക്കുഴപ്പം, തല ചുറ്റുക പോലുള്ള അവസ്ഥകളുണ്ടാകും. ശരീരത്തിലെ ഓക്‌സിജന്‍ അളവ് കൂടാന്‍ സഹായിക്കുന്ന പല കാര്യങ്ങളുമുണ്ട്.

ഇതില്‍ ഒന്നാണ് ബ്രീത്തിംഗ് വ്യായാമങ്ങള്‍. ഇതില്‍ പ്രധാനമാണ് പ്രാണായാമം. ഒരു മുക്ക് അടച്ചു പിടിച്ച്‌ മറ്റേ മൂക്കിലൂടെ ശ്വാസം പുറത്തു വിടുന്നതാണ് ഇത്. ഇത് പത്തു തവണ ചെയ്യാം. ഇത് ശ്വാസകോശത്തിലെ മസിലുകള്‍ കൂട്ടാനും ലംഗ്‌സ് കപാസിറ്റി കൂട്ടാനുമെല്ലാം നല്ലതാണ്.

കുംഭക എന്ന ഒന്നാണ്. ഇതിനായി ശ്വാസം ഉള്ളിലേയ്‌ക്കെടുക്കുക. ഉള്ളില്‍ പിടിച്ചു നിര്‍ത്തുക. പിന്നെ പുറത്തു വിടുക. ഇതിന് 1: 1 :2 എന്ന ആനുപാതം പറയുന്നു. അതായത് 1 സെക്കന്റ് ഉള്ളിലേയ്‌ക്കെടുക്കുക, ഒരു സെക്കന്റ് ഉള്ളില്‍ വയ്ക്കുക. 2 സെക്കന്റ് എടുത്തു പുറത്തു വിടുക എന്നതാണ് ഇത്. ഇത് അടുത്ത സ്റ്റെപ്പില്‍ 1 2 21 എന്ന ആനുപാതത്തില്‍ എടുക്കാം. അടുത്തത് 1: 3 :2 എന്ന രീതിയില്‍ ചെയ്യുക. ഇത് അവസാനം 1: 4: 2 എന്ന ആനുപാതത്തില്‍ എടുക്കാം.

ജലന്ധര ബന്ധയെന്നതാണ് അടുത്ത ശ്വാസ വ്യായാമം. ഇതിനായി നിലത്തു ചമ്രം പടിഞ്ഞിരിയ്ക്കുക. കൈകള്‍ തുടയില്‍ നിവര്‍ത്തി വയ്ക്കുക. താടി താഴേയ്ക്കു മുട്ടിയ്ക്കുക. ശ്വാസം ഉള്ളിലേയ്‌ക്കെടുത്ത് കഴുത്തു പതുക്കെ ഉയര്‍ത്തി മുഖം നേരെയാക്കുക. ഈ ശ്വാസം തൊണ്ടക്കുഴലില്‍ വരത്തക്ക വിധം ഉള്ളിലേയ്‌ക്കെടുത്ത് അല്‍പനേരം പിടിച്ച്‌ പുറത്തേയ്ക്കു വിടാം. ഇത് തൈറോയ്ഡ് പ്രശ്‌നങ്ങള്‍ത്തും നല്ലതാണ്. ഇത് വീണ്ടും വീണ്ടും ആവര്‍ത്തിയ്ക്കാം.

അടുത്തത് പേഴ്‌സ്ഡ് ലിപ് എന്ന വ്യായാമമാണ്.ശ്വാസം കഴിവതും ഉള്ളിലേയ്ക്കു വലിച്ചെടുക്കുക. ശ്വാസം ചുണ്ടുകളുടെ സൈഡിലൂടെ പതുക്കെ പതുക്കെ പുറത്തേയ്ക്കു വിടാം. ഇതല്ലാതെയും വേറൊരു വഴിയുണ്ട്. കൈകള്‍ രണ്ടും മുന്നിലേയ്ക്കു നീട്ടി കൈവിരലുകള്‍ പിണച്ചു പിടിയ്ക്കുക. ഇത് ഇരു വശത്തേയ്ക്കും പതിയെ നീക്കാം. ആദ്യം വലതു വശത്തേയ്ക്ക് പിന്നെ ഇടതു വശത്തേയ്ക്ക് നീക്കാം. ഇത് ആവര്‍ത്തിയ്ക്കാം. താഴെ നിവര്‍ന്നു കിടക്കുക. വലതു കയ്യ് ഹൃദയഭാഗത്തു വയ്ക്കുക. അടുത്ത കയ്യ് വയറില്‍ വയ്ക്കുക. ശ്വാസം ഉള്ളിലേയ്‌ക്കെടുത്ത് വയര്‍ വീര്‍ത്തു വരുന്നു. കഴിവതും ഉള്ളില്‍ വച്ച്‌ പതുക്കെ പേഴ്സ്സ് ലിപ് വഴി പുറത്തു വിടുന്നു. അപ്പോള്‍ കയ്യു കൊണ്ട് വയര്‍ പതുക്കെ അമര്‍ത്തണം.