അബുജ: സായുധ സംഘം റസിഡന്‍ഷ്യല്‍​ സ്​കൂള്‍ വളഞ്ഞ്​ 140 വിദ്യാര്‍ഥികളെ തട്ടിക്കൊണ്ടുപോയി. തിങ്കളാഴ്​ച ഖദുന പട്ടണത്തിലാണ്​ സംഭവം. വടക്കുപടിഞ്ഞാറന്‍ നൈജീരിയയില്‍ കഴിഞ്ഞ ഡിസംബറിനു ശേഷം 10ാം തവണയാണ്​ സമാനമായി വിദ്യാര്‍ഥികളെ കൂട്ടമായി തട്ടിക്കൊണ്ടുപോകുന്നത്​. വന്‍തുക മോചനദ്രവ്യം ആവശ്യപ്പെടുന്ന സായുധ സംഘമാണ്​ പിന്നിലെന്നാണ്​ സംശയം.

തോക്കുമായെത്തി ചുറ്റും വെടിയുതിര്‍ത്ത് ബെഥല്‍ ബാപ്​റ്റിസ്​റ്റ്​ ഹൈ സ്​കൂള്‍ ഹോസ്​റ്റലില്‍ കയറിയ സംഘം കുട്ടികളെ തട്ടി​ക്കൊണ്ടുപോകുകയായിരുന്നു. ഒരു വനിത അധ്യാപികയുള്‍പെടെ 26 പേരെ രക്ഷപ്പെടുത്തി.

180 ഓളം വിദ്യാര്‍ഥികള്‍ താമസിച്ചുപഠിക്കുന്ന സ്​കൂളില്‍ പരീക്ഷയടുത്ത സമയമായിരുന്നു. അര്‍ധരാത്രി 11 മണിയോടെ സ്​കൂളിലെത്തിയ സംഘം പുലര്‍ച്ചെ നാലുമണിയോടെയാണ്​ വിദ്യാര്‍ഥികളുമായി അജ്​ഞാത കേന്ദ്രത്തിലേക്ക്​ മടങ്ങിയത്​്​. വിവര​മറിഞെത്തിയ പൊലീസും സൈന്യവും ചേര്‍ന്ന്​ രക്ഷാ പ്രവര്‍ത്തനം ഊര്‍ജിതമാക്കിയിട്ടുണ്ട്​.

വടക്കു പടിഞ്ഞാറന്‍ നൈജീരിയയില്‍ വിദ്യാര്‍ഥികളെ തട്ടിക്കൊണ്ടുപോകല്‍ തൊഴിലാക്കിയ സായുധ സംഘങ്ങള്‍ സജീവമാണ്​. മാസങ്ങള്‍ക്കിടെ 1,000 ഓളം പേരാണ്​ ഇതുപോലെ തട്ടിപ്പിനിരയായത്​. ഇതില്‍ 150ലേറെ പേര്‍ ഇപ്പോഴും ബന്ദികളായി തുടരുകയാണ്​. നിരത്തുകളില്‍നിന്നും വീടുകളില്‍നിന്നും ​തട്ടിക്കൊണ്ടുപോകുന്ന സംഘം അടുത്തിടെ ആശുപത്രിയില്‍നിന്ന്​ ആറു ​േപരെ തട്ടിക്കൊണ്ടുപോയ സംഭവവും റിപ്പോര്‍ട്ട്​ ചെയ്യപ്പെട്ടു. നേരത്തെ ബൊക്കോഹറാം ആണ്​ ബന്ദികളാക്കുന്ന സംഭവത്തിന്​ രാജ്യത്ത്​ തുടക്കമിട്ടത്​. ഈ തന്ത്രം ഇപ്പോള്‍ മറ്റു സായുധ സംഘങ്ങള്‍ കൂടി ഏറ്റെടുത്തതാണ്​ വലിയ വെല്ലുവിളിയാകുന്നത്​