രാത്രിയാത്ര വിലക്ക് അവസാനിപ്പിച്ച്‌ ഗള്‍ഫ് രാജ്യം

മസ്‌ക്കറ്റ് : കോവിഡ് പ്രതിരോധ നടപടികളുടെ ഭാഗമായി ഏര്‍പ്പെടുത്തിയിരുന്ന രാത്രി യാത്ര വിലക്ക് അവസാനിപ്പിച്ച്‌ ഒമാന്‍. ശനിയാഴ്ച രാവിലെ അഞ്ചുമണിയോടെയായിരുന്നു വിലക്ക് അവസാനിച്ചത്. ബീച്ചുകളിലേക്കുള്ള പ്രവേശന വിലക്ക് ഇനി അറിയിപ്പ് ഉണ്ടാകുന്നത് വരെ തുടരുന്നതായിരിക്കും. സഞ്ചാര വിലക്ക് അവസാനിക്കുന്നതോടെ ശനിയാഴ്ച മുതല്‍ മുവാസലാത്ത് ബസുകള്‍ സാധാരണ നിലയില്‍ തന്നെ സര്‍വീസ് ആരംഭിക്കും . മസ്‌കറ്റ്-സലാല സര്‍വീസ് ഇന്നുമുതല്‍ വീണ്ടും ആരംഭിക്കും. റെഗുലര്‍ ഫെറി സര്‍വീസുകള്‍ ഞായറാഴ്ച മുതലാണ് പുനരാരംഭിക്കുന്നത്.. മസ്‌കറ്റ് സിറ്റി സര്‍വീസുകളും ഇന്റര്‍സിറ്റി സര്‍വീസുകളും ശനിയാഴ്ച മുതല്‍ സര്‍വീസ് നടത്തുമെന്ന് അധികൃതര്‍ അറിയിച്ചു.